14 Kompani Shqiptare
mes prodhuesve të Rajonit,
Europës dhe Azisë në Beograd

“Interesi i blerësve rajonalë për produktet shqiptare është në rritje”. Në Beograd, ku po zhvillohet panairi më i madh i frutave, perimeve, mjaltit dhe verërave, Resmi Hatija, administrator i Hatija sh.p.k, prodhues shqiptar po komunikon me blerës potencialë të huaj për të eskportuar produktet e tij në tregje ndërkombëtare. Ai thotë se falë këtij aktiviteti, interesi i shumë blerësve të huaj po zgjohet.

“Interesi i blerësve rajonalë për produktet shqiptare është në rritje”. Në Beograd, ku po zhvillohet panairi më i madh i frutave, perimeve, mjaltit dhe verërave, Resmi Hatija, administrator i Hatija sh.p.k, prodhues shqiptar po komunikon me blerës potencialë të huaj për të eskportuar produktet e tij në tregje ndërkombëtare. Ai thotë se falë këtij aktiviteti, interesi i shumë blerësve të huaj po zgjohet. Me mbështetjen e USAID dhe partnerit implementues CBS, Creative Business Solutions, 14 kompani shqiptare po konkurrojnë prodhuesit e vendeve të Rajonit, Europës dhe Azisë me produktet e tyre në Agro-Beograd. Ky është panairi dhe konferenca kryesore ndërkombëtare për prodhimin e frutave, perimeve dhe verërave në Serbi dhe në rajon. Organizimi i Agro Beogradit në zhvillimin e biznesit është mbeshtetur nga Ministria e Bujqësisë, GIZ, USAID dhe CBS. Ministrja e Bujqësisë, Frida Krifca vizitoi nga afër panairin dhe stendat shqiptare bashkë me ministrat homologë të Serbisë dhe rajonit duke ofruar mbështetje për krijimin e hapësirave të reja të bashkëpunimit për pozicionimin e këtyre produkteve në tregjet ndërkombëtare.

Konkurrencë me Cilësi dhe Standarde

Prodhuesit shqiptarë të pranishëm në këtë Panair, konkurrojnë me cilësi dhe standarde, të cilat janë mbështetur nga asistenca e USAID dhe mundësuar nga CBS.

“Produktet tona ofrojnë jo vetëm shije të mirë por edhe standarte dhe cilësi, ato janë të pajisura me certifikatën Global G.A.P. dhe plotësojnë kushtet për të konkurruar denjësisht në tregjet rajonale e më tej” tha Resmi Hatija. Kompania e tij grumbullon produkte bujqësore, si edhe me përpunim dhe ruajtjen e tyre në ambjente frigoriferike, paketim dhe ambalazhim i produkteve të zinxhirit bujqësor si edhe import-eksporti i produkteve bujqësore.

Fokusi kryesor i kompanisë është grumbullimi dhe tregtimi i perimeve. Për këtë arsye, Hatija shpk ka krijuar një rrjet të mirë me fermerët e zonës për të blerë prodhimin e tyre dhe për ta tregtuar. Produktet kryesore që kompania tregton janë: fruta dhe perime të zonës ku ushtron aktivitetin.

500 ekspozues nga Ballkani, Europa dhe Azia

Panairi dhe konferenca e Agro Beogradit zhvillohet çdo vit. Më shumë se 500 ekspozues nga Serbia, Bosnja dhe Hercegovina, Mali i Zi, Kroacia, Sllovenia, Bullgaria, Rumania, Italia, Holanda, Greqia, Gjermania, Turqia, India dhe Ukraina kanë marrë pjesë në panairin tregtar deri më sot.

Përveç ekspozimit të produkteve, Agro Beograd organizon edhe konferenca të specializuara për çështjet aktuale në bujqësi dhe industrinë ushqimore. Kompanitë rajonale mund të përfitojnë nga mundësitë e Agro Beogradit me partnerë dhe blerës me reputacion global.

Në të njëjtën kohë, ky është vendi ku tregtarët dhe blerësit mund të kontaktojnë me prodhuesit nga ky rajon me rritje të shpejtë. Agro Beogradit si një vend ku prodhuesit dhe partnerët globalë mund të mësojnë gjithçka që duhet të dinë rreth prodhimit të frutave, perimeve dhe verërave në këtë pjesë të Evropës. Panari do të vijojë punimet edhe për dy ditë të tjera duke vijuar të afrojë mundësi për prodhuesit shqiptarë dhe lidhje me blerës të huaj potencialë.